அரவிந்த் சாவந்த் ராஜினாமா.. – பிரகாஷ் ஜவடேகருக்கு அமைச்சரவையில் கூடுதல் பொறுப்பு..

310

மகாராஷ்டிராவில் பாஜக – சிவசேனா கட்சிகள் கூட்டணி அமைத்து சட்டப்பேரவை தேர்தலை சந்தித்தனர். தேர்தலுக்கு பிறகு தொகுதி பங்கீட்டில் இரு கட்சிகளுக்கும் இடையே இழுபறி நீடித்து வந்தது.

முதல்வர் பதவியை விட்டுக்கொடுக்க சிவசேனா மறுப்பு தெரிவித்ததையடுத்து பாஜக – சிவசேனா கூட்டணி முறிந்தது. இதையடுத்து சிவசேனா தேசியவாத காங்கிரஸ் கட்சியிடம் ஆதரவு கோரியது.

சிவசேனாகட்சிக்கு ஆதரவு தேவையெனில் பாஜகவின் கூட்டணியில் இருந்து விலகவேண்டும் என தேசியவாத காங்கிரஸ் தலைவர் சரத்பவார் நிபந்தனை விதித்திருந்தார்.

இதையடுத்து சிவசேனாவை சேர்ந்த மத்திய கனரக தொழில், பொதுத்துறை நிறுவனத்துறை அமைச்சர் அரவிந்த் சாவந்த் தனது பதவியை ராஜினாமா செய்வதாக கடிதம் அளித்திருந்த நிலையில்,

அரவிந்த் சாவந்த்தின் ராஜினாமா கடிதத்தை குடியரசுத்தலைவர் ஏற்றுக்கொண்டார்.ஏற்கனவே மகாராஷ்டிரா மாநிலத்தில் பாஜகவுடனான கூட்டணி முறிந்த நிலையில் மத்தியிலும் கூட்டணி முறிந்தது.

இந்த நிலையில், சிவசேனாவின் அரவிந்த் சாவந்த் தனது மத்திய அமைச்சர் பதவியை ராஜினாமா செய்ததையொட்டி, அவரது கனரக தொழில், பொதுத்துறை நிறுவனங்கள் துறை பிரகாஷ் ஜவடேகருக்கு கூடுதல் பொறுப்புப்பாக அளிக்கப்பட்டுள்ளது.

Advertisement

Leave a Reply

avatar
  Subscribe  
Notify of