மாமல்லபுரத்தில் அடிப்படை வசதிகள் வேண்டும் – சென்னை உயர்நீதிமன்றம் உத்தரவு

230

மாமல்லபுரத்தில் அடிப்படை வசதிகளை அமைத்து தர நடவடிக்கை எடுக்க வேண்டும் என, காஞ்சிபுரம் மாவட்ட ஆட்சியருக்கு சென்னை உயர்நீதிமன்றம் உத்தரவிட்டுள்ளது.

மாமல்லபுரத்தில் உரிய அடிப்படை வசதிகள் ஏற்படுத்தி தர கோரி, விடுதலை சிறுத்தைகள் கட்சியைச் சேர்ந்த கிட்டு, சென்னை உயர் நீதிமன்றத்தில் பொதுநல வழக்கு தொடர்ந்திருந்தார்.

அந்த வழக்கில், மாமல்லபுரத்தில் அடிப்படை வசதிகளான, வாகன நிறுத்துமிடம், கழிப்பிடம், குடிநீர் உள்ளிட்டவை செய்து தரப்படவில்லை என குறிப்பிட்டிருந்தார். இது குறித்து மாவட்ட ஆட்சியருக்கு புகார் அளித்தும் எந்தவித நடவடிக்கையும் மேற்கொள்ளப்படவில்லை என்றும் அந்த மனுவில் கூறியிருந்தார்.

இந்தநிலையில், இந்த வழக்கை விசாரித்த நீதிபதிகள் சத்யநாரயணன் மற்றும் சேசஷாயி, ஏன் உரிய வசதிகள் செய்து தரப்படவில்லை என கேள்வி எழுப்பினர். மனுதாரரின் புகார் குறித்து 6 வாரத்துக்குள் பரிசீலனை செய்து, உரிய நடவடிக்கை எடுக்க வேண்டும் என்று மாவட்ட ஆட்சியருக்கு நீதிபதிகள் உத்தரவிட்டனர்.

Advertisement

Leave a Reply

avatar
  Subscribe  
Notify of