10-ஆம் வகுப்பு வரை தாய் மொழியில் படிக்க வேண்டும்! – அண்ணா பல்கலைகழக துணை வேந்தர்

231

தாய் மொழியில் பயின்றால் அறிவியலை புரிந்து கொள்வதற்கு எளிமையாக இருக்கும் என்று அண்ணா பல்லைக்கழக துணைவேந்தர் கூறியுள்ளார்.

சென்னை அண்ணா பல்கலைக்கழகத்தில் 18வது உலகத் தமிழ் இணைய மாநாடு வரும் செப்டம்பர் மாதம் நடைபெறவுள்ளது. இது தொடர்பாக சென்னை அண்ணா பல்கலை. துணைவேந்தர் சூரப்பா இன்று செய்தியாளர்களைச் சந்தித்தார்.

அப்போது அவர் பேசியதாவது: ‘இன்றைய இளைய தலைமுறையினர் தமிழ் மொழியில் பயில்வதை தயக்கம் காட்டுகின்றனர். தாய் மொழியில் படித்தால் தான் அறிவியல் மற்றும் கணிதங்களை புரிந்து கொள்ள முடியும்.

ஜெர்மனி, பிரான்ஸ், ஜப்பான் போன்ற நாடுகளில் தாய்மொழியில் தான் அறிவியலை படிக்கிறார்கள். அப்போது தான் அறிவியல் கோட்பாடுகள் குழந்தைகளுக்குப் புரியும்.

தற்போது 18வது உலகத்தமிழ் இணைய மாநாடு அண்ணா பல்கலைக்கழகத்தில் நடைபெறவுள்ளது. செப்டம்பர் 20 முதல் 22ம் தேதி வரையில் இம்மாநாடு நடைபெறுகிறது.

தானியங்கி கருவிகளில் தமிழ் மொழியின் பயன்பாடு என்பதே உலகத்தமிழ் மாநாட்டின் முக்கிய நோக்கமாகும்.’

இவ்வாறு துணைவேந்தர் சூரப்பா பேசினார்.

பத்தரிகையாளர் சந்திப்பில் உலகத்தமிழ் தகவல் தொழில்நுட்ப மன்றத் தலைவர் மணியம் கிண்டி பொறியியல் கல்லூரி தலைவர் கீதா, கோவை வேளாண் தொழில்நுட்ப கல்லூரி முன்னாள் துணைவேந்தர் ராமசாமி ஆகியோர் உடனிருந்தனர்.

Leave a Reply

avatar
  Subscribe  
Notify of