OPS எப்போது மாடு பிடித்தார்..? : விஜயபாஸ்கர் பதிலால் பேரவையில் சிரிப்பலை

155

தமிழக சட்டப்பேரவையில், பட்ஜெட் உரை மீதான விவாதம் நடைபெற்று வருகிறது. அப்போது பேசிய திமுக பொருளாளர் துரைமுருகன், OPS-ஐ ஜல்லிக்கட்டு நாயகன் என்று அழைக்கிறார்கள். அவர் எப்போது மாடு பிடித்தார் என கேள்வி எழுப்பினார்.

இதற்கு பதிலளித்து பேசிய சுகாதாரத்துறை அமைச்சர் விஜயபாஸ்கர், “ஜல்லிக்கட்டு போராட்டம் நடந்தபோது ஜல்லிக்கட்டு நடத்துவதற்கு சட்டம் நிறைவேற்றி தந்த காரணத்தால் பன்னீர்செல்வத்தை ஜல்லிக்கட்டு நாயகன் என்று அழைக்கிறார்கள். துரைமுருகன் புதுக்கோட்டை ஜல்லிக்கட்டில் மாடு பிடிக்க வந்தால் அதற்கான ஏற்பாட்டை செய்து தருகிறேன் எனத் தெரிவித்தார்.

அதற்கு, துணை முதலமைச்சர் அலங்காநல்லூர் ஜல்லிக்கட்டில் பங்கேற்று மாடு பிடித்தால் தாங்கள் உட்பட சட்டமன்ற உறுப்பினர்கள் அனைவரும் நேரில் வந்து பார்ப்பதற்கு ஆவலாக இருக்கிறோம் என துரைமுருகன் தெரிவித்தால் பேரவையில் சிரிப்பலை உண்டாக்கியது.

Leave a Reply

avatar
  Subscribe  
Notify of