தமிழ்நாட்டு மக்களுக்கு ஒரு சந்தோசமான செய்தி…! – வேளாண்மை துறை

783

கொரோனாவுக்கு அடுத்தபடியாக இன்றைய தேதியில் இந்தியாவை அச்சுறுத்தும் அடுத்த பெயர் வெட்டுக்கிளிகள்.

பாகிஸ்தான் வழியாக இந்தியாவில் ராஜஸ்தான் உள்ளிட்ட வட மாவட்டங்களில் ஊடுருவியுள்ள வெட்டுக்கிளிகள் கூட்டம் பயிர்கள், மரங்கள், செடி, கொடிகள் ஆகியவற்றை மிக வேகமாக அழித்து வருகிறது. இதனால் பெரும் சேதம் ஏற்பட்டுள்ளது.

இந்த வெட்டுக்கிளிகள் தாக்குதல் தமிழகத்தை எட்டிவிட்டதாக கூறப்பட்டது. தமிழக-கேரள எல்லையில் இதன் ஆட்டம் ஆரம்பமாகியுள்ளதாக தகவல் வெளியானது. ஆனால் நீலகிரி மாவட்ட தோட்டக்கலைத் துறை இந்த தகவலை முற்றிலும் மறுத்துள்ளது.

இதுதொடர்பாக தோட்டக்கலைத் துறை வெளியிட்ட அறிக்கையில், “தமிழக-கேரள எல்லையில் வெட்டுக்கிளி கூட்டம் பயிர்களை சேதப்படுத்தி வருவதாக செய்தி பெறரப்பட்டது. தமிழக-கேரள எல்லையில் ஆய்வு மேற்கொண்டதில் வெட்டுக்கிளிகளால் எவ்வித சேதமும் இல்லை என்ற விவரம் தெரிய வந்தது.

மேலும் இதுகுறித்து கேரள விவசாயத் துறை அதிகாரிகளை தொடர்பு கொண்டதில் அங்கு புல்பள்ளி பகுதியில் 8 ஏக்கர் நிலப்பரப்பில் ஆலர்சஸ் மில்லேரியல் என்னும் தாவரப் பெயர் கொண்ட புள்ளி வெட்டுக்கிளிகளே காணப்பட்டதாக தெரிவிக்கப்பட்டது. இது காப்பி லோகஸ்ட் எனும் பெயரைக் கொண்டது. இது வட நாடுகளில் பயிர் சேதம் ஏற்படுத்திக் கொண்டிருக்கும் லோகஸ்ட் வகையைச் சேர்ந்தவை அல்ல. இவை இலைகளை மட்டுமே என்பதால் பயிர் சேதம் எதுவும் இல்லை என்றும் தெரிவிக்கப்பட்டது.

தற்போது அவைகள் இளம் பருவத்திலிருந்து பெரிய வெட்டுக்கிளிகளாக மாறி வருவதால் இடம்பெயர்ந்து வருகின்றன என்ற விபரம் கேரளா வேளாண்மை துறை அதிகாரி அவர்களால் தெரிவிக்கப்பட்டது என்ற தகவல் தெரிவிக்கப்படுகிறது” என அந்த அறிக்கையில் குறிப்பிடப்பட்டுளது.

Advertisement

Leave a Reply

avatar
  Subscribe  
Notify of